Франция президенти Эммануэль Макрон Эрон президенти Хасан Руҳоний билан Биаррицдаги G7 саммити доирасидаги музокаралар натижаларини муҳокама қилди, деб хабар беради «Kommersant.ru».
Қайд этилишича, телефон орқали мулоқот давомида Макрон Эрон томонининг ядровий битим мажбуриятларини бажариши ва Яқин Шарқдаги тинчлик ва хавфсизликни тиклаш учун зарур чораларни кўриши зарурлигини эслатди.
«Республика президенти ҳозирги динамиканинг минтақада мулоқот ва ишончли ечимларни ишлаб чиқиш йўли билан деескалацияга ёрдам берадиган шарт-шароитларни яратиш муҳимлигини таъкидлади», — дейилади хабарда.
Мамлакат раҳбарлари Яман ва Ливандаги инқирозни ҳам муҳокама қилган ҳамда мустаҳкам алоқаларни сақлаб қолишга келишган.
2015 йилда Эрон ва жаҳоннинг кучли олти мамлакати ҳамкорликдаги кенг қамровли ҳаракат режасини имзолаган.
Битим доирасида Эронга қўйилган санкциялар олиб ташланган. Бунинг эвазига эса у ядровий дастурдан воз кечиши керак бўлган. 2018 йилнинг майида АҚШ ядровий келишувдан чиққан ва Эронга қарши санкцияларни жорий қилган. Ўша пайтдан бери санкциялар бир неча бор қатъийлашган.
Изоҳ (0)