Meksikaning Nuevo-Leon shahrida yoga bilan shug‘ullanayotgan qiz oltinchi qavatdan tushib ketib, tirik qoldi, deb xabar beradi Dailya Mail.
24-avgust kuni 23 yoshli Aleksa Terrazas balkonda yoga bilan shug‘ullanayotganida sirpanib ketgan va 25 metr balandlikdan yerga qulagan. Voqea joyiga yetib kelgan tibbiyot xodimlari qizni zudlik bilan shifoxonaga olib borgan. U 11 soat davomida operatsiya qilingani aytilmoqda.
26-avgustda berilgan ma’lumotlarga ko‘ra, qizning ahvoli og‘ir: uning bir necha joyi singan va boshidan qattiq jarohat olgan.
Terrazaslar oilasi ijtimoiy tarmoq foydalanuvchilaridan qiziga qon topshirishlarini hamda uning sog‘ayib ketishi uchun dou qilishlarini so‘ramoqda.
Izoh (0)