Qirg‘iziston sobiq prezidenti Almazbek Atambayev va uning yaqin qarindoshlariga tegishli bo‘lgan 135 dona mol-mulk xatlab qo‘yildi, deb xabar beradi Sputnik.
Xatlov jinoiy avtoritet Aziz Batukayev noqonuniy ozod etilishi bo‘yicha jinoiy ish doirasida amalga oshirildi. Bundan avval 120 ta obyekt xatlab qo‘yilgandi.
Ta’kidlanishicha, Harbiy prokuratura Atambayev prezidentlik davrida noqonuniy boylik orttirishi holati bo‘yicha jinoiy ish mavjudligini inobatga olgan holda, ma’lumotlar tekshirilishi va taqqoslanishi uchun Bosh prokuraturaga yuborgan.
Ish yurituv davomida 20 ta uy-joydan xatlov olib tashlandi.
Almazbek Atambayev va uning yaqin qarindoshlariga tegishli bo‘lgan obyektlar, shuningdek, noqonuniy ravishda qo‘lga kiritilgan boshqa mol-mulklarni qidirish va aniqlash bo‘yicha Qirg‘iziston milliy xavfsizlik va IIV tezkor bo‘linmalariga tergov ko‘rsatmalari berildi.
Bosh prokuratura Atambayev va yaqinlariga tegishli bo‘lgan barcha obyektlarning egalik huquqini tekshirib chiqadi, keyinchalik xatlab qo‘yilgan mol-mulklarning yangilangan ro‘yxatni e’lon qilishni rejalashtirdi.
Izoh (0)