O‘zbekistonda test sinovlari yuzasidan apellatsiya berish boshlandi

Huquqshunos Xushnudbek Xudoyberdiyev 21-avgustdan boshlab test sinovlari yuzasidan apellatsiya berish boshlanganini ma’lum qildi.

Uning ta’kidlashicha, hali yakuniy mandat e’lon qilinmagan bo‘lsa-da, lekin Nizom bo‘yicha bugundan apellatsiya jarayonlari boshlanadi. Aslida apellatsiya berish uchun abituriyent o‘zining balini bilsa kifoya, yakuniy natija shart emas. Ammo yakuniy natijalar chiqqanda edi, abituriyentlar kirgan-kirmaganligi, bali yetgan-yetmaganligidan kelib chiqib, apellatsiya berish fikridan qaytardi. Hozirgi holat DTMning zarariga ishlaydi. Shuning uchun Nizomda apellatsiyani aniq sanadan emas, yakuniy javoblar chiqqan kundan boshlanishini belgilash kerak.

Apellatsiya tartibi quyidagicha:

• test sinovlari natijasidan norozi bo‘lgan abituriyentlar 21-avgustdan 30-avgustgacha (belgilangan ish vaqtiga muvofiq) apellatsiya komissiyasiga apellatsiya shikoyatini berish huquqiga ega;
• Nizomda apellatsiya shikoyatlari yozma yoki elektron shaklda berilishi aytilgan. Ammo elektron ariza berishning tatibi yo‘q, faqat yozma (qog‘ozda) qabul qilishadi. Shuni abituriyentlarning shaxsiy kabineti yoki DTM sayti orqali yo‘lga qo‘yish shunchalar qiyinmi?
• apellatsiya shikoyatini berish uchun Toshkentga kelish shart emas, DTMning hududiy bo‘limlarida ham bersa bo‘ladi. dtm.uz saytida manzillari bor;
• abituriyent xabarnomada belgilangan kunda o‘zining pasporti va abituriyent ruxsatnomasi bilan kelishi shart;
• abituriyentga uning javoblar varaqasi nusxasi, test topshiriqlari noto‘g‘ri bajarilgan javoblar ro‘yxati hamda test topshiriqlari kitobi beriladi;
• abituriyent o‘zining har bir noto‘g‘ri deb hisoblangan test topshirig‘iga javoblarini yozma ravishda bayon qiladi va apellatsiya komissiyasiga taqdim etadi;
• apellatsiya shikoyati faqat abituriyent ishtirokida, uning yozma javoblari asosida ko‘rib chiqiladi. Ilgari ota-onasi yoki ustozlariga ruxsat berilardi, keyinchalik buni taqiqlab qo‘yishdi;
• abituriyentning yozma javoblari o‘z tasdig‘ini topmagan bo‘lsa, shikoyatni rad etish to‘g‘risida qaror qabul qilinadi;
• abituriyent murojaat qilganda unga qarordan ko‘chirma beriladi;
• abituriyentning javoblar varaqasi, test topshiriqlari kitobi DTMga belgilangan tartibda yetkazilmagan, yirtilgan bo‘lsa, shuningdek, test sinovlaridan chetlashtirilgan yoki o‘zining javoblarini yozma ravishda bayon qilmagan abituriyentning apellatsiya shikoyati ko‘rib chiqilmaydi.

• uyali telefon, kompyuter, telekommunikatsiya vositalari va shpargalkalar (lug‘at, jadvallar bundan mustasno) olib kirishga harakat qilish yoki olib kirish;
• apellatsiya jarayonida test materiallarini boshqa abituriyentga uzatish, ularga yordam berish yoki yordam olish;
• test topshiriqlari kitobining varag‘ini yirtish.