Ҳуқуқшунос Хушнудбек Худойбердиев 21 августдан бошлаб тест синовлари юзасидан апелляция бериш бошланганини маълум қилди.
Унинг таъкидлашича, ҳали якуний мандат эълон қилинмаган бўлса-да, лекин Низом бўйича бугундан апелляция жараёнлари бошланади. Аслида апелляция бериш учун абитуриент ўзининг балини билса кифоя, якуний натижа шарт эмас. Аммо якуний натижалар чиққанда эди, абитуриентлар кирган-кирмаганлиги, бали етган-етмаганлигидан келиб чиқиб, апелляция бериш фикридан қайтарди. Ҳозирги ҳолат ДТМнинг зарарига ишлайди. Шунинг учун Низомда апелляцияни аниқ санадан эмас, якуний жавоблар чиққан кундан бошланишини белгилаш керак.
Апелляция тартиби қуйидагича:
- тест синовлари натижасидан норози бўлган абитуриентлар 21 августдан 30 августгача (белгиланган иш вақтига мувофиқ) апелляция комиссиясига апелляция шикоятини бериш ҳуқуқига эга;
- Низомда апелляция шикоятлари ёзма ёки электрон шаклда берилиши айтилган. Аммо электрон ариза беришнинг татиби йўқ, фақат ёзма (қоғозда) қабул қилишади. Шуни абитуриентларнинг шахсий кабинети ёки ДТМ сайти орқали йўлга қўйиш шунчалар қийинми?
- апелляция шикоятини бериш учун Тошкентга келиш шарт эмас, ДТМнинг ҳудудий бўлимларида ҳам берса бўлади. dtm.uz сайтида манзиллари бор;
- абитуриент хабарномада белгиланган кунда ўзининг паспорти ва абитуриент рухсатномаси билан келиши шарт;
- абитуриентга унинг жавоблар варақаси нусхаси, тест топшириқлари нотўғри бажарилган жавоблар рўйхати ҳамда тест топшириқлари китоби берилади;
- абитуриент ўзининг ҳар бир нотўғри деб ҳисобланган тест топшириғига жавобларини ёзма равишда баён қилади ва апелляция комиссиясига тақдим этади;
- апелляция шикояти фақат абитуриент иштирокида, унинг ёзма жавоблари асосида кўриб чиқилади. Илгари ота-онаси ёки устозларига рухсат бериларди, кейинчалик буни тақиқлаб қўйишди;
- абитуриентнинг ёзма жавоблари ўз тасдиғини топмаган бўлса, шикоятни рад этиш тўғрисида қарор қабул қилинади;
- абитуриент мурожаат қилганда унга қарордан кўчирма берилади;
- абитуриентнинг жавоблар варақаси, тест топшириқлари китоби ДТМга белгиланган тартибда етказилмаган, йиртилган бўлса, шунингдек, тест синовларидан четлаштирилган ёки ўзининг жавобларини ёзма равишда баён қилмаган абитуриентнинг апелляция шикояти кўриб чиқилмайди.
- уяли телефон, компьютер, телекоммуникация воситалари ва шпаргалкалар (луғат, жадваллар бундан мустасно) олиб киришга ҳаракат қилиш ёки олиб кириш;
- апелляция жараёнида тест материалларини бошқа абитуриентга узатиш, уларга ёрдам бериш ёки ёрдам олиш;
- тест топшириқлари китобининг варағини йиртиш.
Изоҳ (0)