Toshkent viloyatining Yangiyo‘l tumanidan o‘tkazilgan tezkor tadbir davomida kuzatuvga olingan fuqaro M.G‘.ning yashash xonadoni va yordamchi xo‘jaliklari amaldagi tartiblarga asosan va xolislar ishtirokida ko‘zdan kechirildi. Bu haqda “Daryo”ga Bojxona qo‘mitasi axborot xizmati ma’lum qildi.
Xonadonning eski oshxonasida hech qanday hujjatlari bo‘lmagan 1 stvolli, 12 kalibrli ov quroli yashirilgani aniqlandi.
Shuningdek, ko‘zdan kechirish davomida hovlidagi daraxatlarga quritish maqsadida ilib qo‘yilgan hamda traktor g‘ildiraklari orasiga yashirib qo‘yilgan ko‘knori hashaklari va boshoqlari ham ashyoviy dalil sifatida olib qo‘yildi. Ularning umumiy og‘irligi esa 2,2 kilogrammni tashkil etdi.
Hozirda ushbu holat yuzasidan dastlabki tekshiruv harakatlari olib borilmoqda.
Izoh (0)