AQShning Mexikodagi elchixonasi qarshisida o‘tkazilgan norozilik namoyishida Amerika prezidenti Donald Tramp ko‘rinishidagi tulum yoqib yuborildi, deb xabar beradi “TASS”.
Shu orqali faollar 3-avgust kuni El-Paso shahrida sodir bo‘lgan otishmaga nisbatan o‘z noroziligini bildirgan.
Politsiya nazorati ostida o‘tkazilgan norozilik namoyishida 20 ga yaqin odam qatnashdi. Ular AQSh hukumatidan muhojirlarning xavfsizligini ta’minlashni va nafratni keltirib chiqaruvchi masalalarni tugatishni talab qildi. Norozilik namoyishi qatnashchilarining hech biri qo‘lga olinmagan.
El-Paso shahrida joylashgan Walmart supermarketidagi otishmani 21 yoshli erkak sodir etgan. Otishma oqibatida 22 kishi halok bo‘ldi, 20 dan ortiq odam jarohat oldi. Halok bo‘lganlarning sakkiz nafari meksikalik.
Izoh (0)