Germaniya janubi-g‘arbiy shahri Bad-Shyonbornda bir maktabning 109 nafar o‘quvchi va xodimi sil kasalligini qo‘zg‘atuvchisini yuqtirib oldi. Bu haqda Germaniyaning Deutsche Welle nashriga tayanib Meduza xabar berdi.
Turli maktablarda tahsil oluvchi ikki nafar o‘quvchida silning faol shakli aniqlangach, tekshiruv ishlari boshlangan. Silning faol davri jami 4 kishida qayd etilgan, qolganlarda esa silning yashirin davri bo‘lgan. Yashirin davrda yuqtirish xavfi bo‘lmaydi. Infeksiyaga chalinganlar orasida 8-sinfdan 58 nafar o‘quvchi bor.
Mahalliy hokimiyat silning davosi borligi va infeksiya yuqtirganlar kasal bo‘lib qolmasligini bildirdi.
Izoh (0)