Германия жануби-ғарбий шаҳри Бад-Шёнборнда бир мактабнинг 109 нафар ўқувчи ва ходими сил касаллигини қўзғатувчисини юқтириб олди. Бу ҳақда Германиянинг Deutsche Welle нашрига таяниб Meduza хабар берди.
Турли мактабларда таҳсил олувчи икки нафар ўқувчида силнинг фаол шакли аниқлангач, текширув ишлари бошланган. Силнинг фаол даври жами 4 кишида қайд этилган, қолганларда эса силнинг яширин даври бўлган. Яширин даврда юқтириш хавфи бўлмайди. Инфекцияга чалинганлар орасида 8-синфдан 58 нафар ўқувчи бор.
Маҳаллий ҳокимият силнинг давоси борлиги ва инфекция юқтирганлар касал бўлиб қолмаслигини билдирди.
Изоҳ (0)