30-iyul, seshanba kuni futbol bo‘yicha O‘zbekiston Superligasining 15-turida Samvel Babayan boshliq Toshkentning “Lokomotiv” klubi o‘z maydonida Samarqandning “Dinamo”sini qabul qildi.
Bellashuv davomida “temiryo‘lchilar” a’zolari Temurxo‘ja Abduholiqov (56, penalti) hamda Medina Smit (90+2) bittadan golga mualliflik qildi.
Bahs yakuniga ko‘ra, toshkentliklar “Dinamo” ustidan 2:0 hisobidagi ishonchli g‘alabaga erishdi.
Qayd etish lozim, “Dinamo” vakili Jasur Azimov 76-daqiqada ikkinchi sariq kartochka bilan jazolandi va maydondan chetlatildi.
Ma’lumot uchun, “Lokomotiv” 30 ochko jamg‘arib, musobaqa jadvalida ikkinchi o‘rinda borayotgan bo‘lsa, 18 ochko to‘plagan “Dinamo” 8-pog‘onani egallab turibdi.
Coca-Cola Superligasi
15-tur bahsi
30-iyul, seshanba kuni
“Lokomotiv”—“Dinamo” 2:0
Gol: 1:0 — 56, penalti, Temurxo‘ja Abduholiqov, 2:0 — 90+2 Medina Smit“Lokomotiv”: Javohir Ilyosov, Anzur Ismoilov, Oston O‘runov, Jamshid Iskandarov (Yovan Jokich, 88), Sardor Mirzayev, Temurxo‘ja Abduholiqov (Sherzod Karimov, 80), Islom To‘xtaxo‘jayev, Davron Hoshimov, Arslonmurod Omonov (Smit Medina, 70), Diyorjon Turopov, Igor Yelich
“Dinamo”: Botirali Ergashev, Mirkomil Loqayev, Hakimxon Alamxonov (Amirjon Safarov, 60), Akmal Xolmurodov, Jasur Azimov, Qadamboy Nurmatov (Sardor Eminov, 74), Bobur Qosimov, Damir Temirov, Jasurbek O‘rinov, Ixtiyor Toshpo‘latov (Bahodir Nasimov, 46), Shohruh Abdurahmonov
Ogohlantirishlar: Arslonmurod Omonov (4), Temurxo‘ja Abduholiqov (68), Jasur Azimov (68, 76),
Chetlatish: Jasur Azimov (76)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)