30 июль, сешанба куни футбол бўйича Ўзбекистон Суперлигасининг 15-турида Самвел Бабаян бошлиқ Тошкентнинг «Локомотив» клуби ўз майдонида Самарқанднинг «Динамо»сини қабул қилди.
Беллашув давомида «темирйўлчилар» аъзолари Темурхўжа Абдуҳолиқов (56, пеналти) ҳамда Медина Смит (90+2) биттадан голга муаллифлик қилди.
Баҳс якунига кўра, тошкентликлар «Динамо» устидан 2:0 ҳисобидаги ишончли ғалабага эришди.
Қайд этиш лозим, «Динамо» вакили Жасур Азимов 76-дақиқада иккинчи сариқ карточка билан жазоланди ва майдондан четлатилди.
Маълумот учун, «Локомотив» 30 очко жамғариб, мусобақа жадвалида иккинчи ўринда бораётган бўлса, 18 очко тўплаган «Динамо» 8-поғонани эгаллаб турибди.
Coca-Cola Суперлигаси
15-тур баҳси
30 июль, сешанба куни
«Локомотив»—«Динамо» 2:0
Гол: 1:0 — 56, пеналти, Темурхўжа Абдуҳолиқов, 2:0 — 90+2 Медина Смит«Локомотив»: Жавоҳир Илёсов, Анзур Исмоилов, Остон Ўрунов, Жамшид Искандаров (Ёван Жокич, 88), Сардор Мирзаев, Темурхўжа Абдуҳолиқов (Шерзод Каримов, 80), Ислом Тўхтахўжаев, Даврон Ҳошимов, Арслонмурод Омонов (Смит Медина, 70), Диёржон Туропов, Игор Елич
«Динамо»: Ботирали Эргашев, Миркомил Лоқаев, Ҳакимхон Аламхонов (Амиржон Сафаров, 60), Акмал Холмуродов, Жасур Азимов, Қадамбой Нурматов (Сардор Эминов, 74), Бобур Қосимов, Дамир Темиров, Жасурбек Ўринов, Ихтиёр Тошпўлатов (Баҳодир Насимов, 46), Шоҳруҳ Абдураҳмонов
Огоҳлантиришлар: Арслонмурод Омонов (4), Темурхўжа Абдуҳолиқов (68), Жасур Азимов (68, 76),
Четлатиш: Жасур Азимов (76)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)