Shinjon-Uyg‘ur rahbariyati “uyg‘urlar uchun lager” tashkil etilgani haqidagi xabarlarni rad etdi

Xitoyning Shinjon-Uyg‘ur avtonom tumanida uyg‘urlarga bosim o‘tkazuvchi “axloq tuzatish lagerlari” faoliyat yuritayotgani haqida g‘arb OAVda chop etilgan ma’lumotlar rad etildi, deb xabar berdi “TASS”.

Bu haqda Shinjon-Uyg‘ur avtonom tumani rahbari o‘rinbosari Alken Tuniaz ma’lum qilgan.

“Dastlab, sizga shuni ma’lum qilmoqchimanki, o‘quv markazlarida go‘yoki uyg‘urlarga bosin o‘tkazilayotganmish. Bu haqda alohida mamlakatlar va OAV xabar bermoqda. Ushbu xabarlar asl vaziyatni buzib ko‘rsatishdan boshqa narsa emas. Bu tuhmat, u real faktlarga mutlaqo mos kelmaydi”, — deydi u.

Qayd etilishicha, hududdagi bunday markazlar uchta maqsadni amalga oshirish uchun tashkil etilgan:

• Shinjon aholisiga Xitoy qonunlarini o‘rgatish,
• Aholiga xitoy tilini o‘rgatish,
• Aholida din erkinligi tushunchasini to‘g‘ri anglash ko‘nikmasini shakllantrish.