Sudanda sodir bo‘lgan norozilik namoyishlari vaqtida snayperlar tomonidan besh nafar talaba otib o‘ldirildi va yana bir necha kishi jarohat oldi, deb xabar beradi “Gazeta.ru”.
Ko‘ngilsiz hodisa Shimoliy Kordofan shtatining El-Obeyd shahrida sodir bo‘lgan. Noma’lum shaxslar mamlakatda non va yoqilg‘i narxini tushirish bo‘yicha norozilik aksiyasini o‘tkazayotgan faol talabalarga nisbatan o‘t ochgan.
Shundan so‘ng talabalarning qotillariga nisbatan norozilik aksiyasi boshlanib ketgan. Guvohlarning so‘zlariga ko‘ra, ko‘chalarga yuzlab darg‘azab insonlar chiqqan.
Sudanda joriy yilning 11-aprel kuni davlat to‘ntarishi sodir bo‘lgandi. Sudan prezidenti Omar al-Bashir hokimiyatdan chetlashtirilib, qamoqqa olingan.
Izoh (0)