O‘zbekistonda onlayn to‘lovlarning hajmi keskin oshmoqda. Spot’ning xabar berishicha, bu haqda Markaziy bank ma’lumotlarida keltirilgan.
Markaziy bankning hisob-kitoblar kliring tizimi orqali 2017-yilning I yarim yilligi mobaynida 1,9 trillion so‘mlik to‘lovlar amalga oshirilgan bo‘lsa, 2018-yilning I yarim yilligida to‘lovlar summasi 2017-yilning shu davriga nisbatan 2,2 barobarga ortib, 4,3 trillion so‘mlik to‘lov amalga oshirilgan.
2019-yilning shu davrida esa ushbu tizim orqali amalga oshirilgan tranzaksiyalar summasi 2018-yilning shu davriga nisbatan qariyb 1,7 barobarga ortib, 7,4 trillion so‘mga yegan.
Markaziy bankning hisob-kitoblar kliring tizimi orqali 2019 yilning I yarim yilligida amalga oshirilgan tranzaksiyalar summasining:
- 1,8 trillion so‘mini (amalga oshirilgan tranzaksiyalar summasining 25,04 foiz) g‘aznachilik to‘lovlari;
- 1,1 trillion so‘mini (15,13 foiz) “O‘ztransgaz” xizmatlari to‘lovlari;
- 983 milliard so‘mini (13,15 foiz) “O‘zbekenergo” xizmatlari uchun to‘lovlar;
- 533,0 milliard so‘mini (7,13 foiz) UzAuto Motors uchun to‘lovlar;
- 512,3 milliard so‘mini (6,85 foiz) Davlat xizmatlari markazlari xizmatlari uchun to‘lovlar;
- 512,1 milliard so‘mini (6,85 foiz) soliq va majburiy to‘lovlar;
- 505,5 milliard so‘mini (6,76 foiz) notariat va FHDYo to‘lovlari;
- 379,4 milliard so‘mini (5,07 foiz) yo‘l harakati qoidalarini buzganlik uchun jarima to‘lovlari
- 261,5 milliard so‘mini (3,50 foiz) bojxona to‘lovlari;
- 175,9 milliard so‘mini (2,35 foiz) “Toshissiqquvvati” uchun to‘lovlar;
- 610,9 milliard so‘mini (8,17 foiz) boshqa to‘lovlar tashkil etgan.
Izoh (0)