O‘zbekistonda PayMe nazorat paketini 5,5 million dollarga sotib olgan TBC Bank asoschilari Badri Japaridze va Mamuka Xazaradze Gruziya Bosh prokuraturasi tomonidan “pul yuvish”da ayblangani haqida xabarlar paydo bo‘lgach, o‘zbekistonlik “tahlilchilar” gruziyalik biznesmenlarning insofi yuzasidan fikrlar bildirib, ularni “O‘zbekiston xalqi hisobidan” investitsiya kirituvchi “firibgarlar” va boshqa “iliq” so‘zlar bilan atadi, bu haqdagi fikrlarini bloger Feruzxon Yakubxojayev “Daryo” bilan bo‘lishdi.
Uning ta’kidlashicha, ko‘pchilik Xazaradze va Japaridzega Gruziya hukumati tomonidan hujum Xazaradzening kelajakda siyosiy partiyaga aylanib ketishi mumkin bo‘lgan siyosiy harakatni tashkil etishi haqida e’lon qilgani bilan bog‘liqligini o‘ylab ham ko‘rmayapti.
Uch haftagina avval Mamuka Xazaradze siyosatga kirib borishi haqida e’lon qildi, bu gruzin pabliklarida shov-shuvga sabab bo‘ldi. Ko‘pchilik “ularning biznesi siyosiy kurashda ularga qarshi ‘garov’ sifatida ishlatilishi mumkinligi va bundan zarar ko‘rishi mumkinligi”dan xavfsiragan bo‘lsa, boshqalar “hurmatli, tajribali va nufuzli biznesmen va uning sheriklari bunday jiddiy qadamlardan oldin barcha risklarni hisobga olgan bo‘lishi kerakligi”ni ta’kidlagan.
Bloger o‘zbekistonliklarning ushbu xabarga tajovuzkorona yondashuvini “faqat o‘zimizning muammo, hukumatimiz xatti-harakatlarining oqibati” deb atadi.
“(Bu) bir-ikki oy avval tashkil qilingan shubhali yuridik shaxslar va “investorlar”ning tuganmas ketma-ketligi natijasi. Yetarlicha mukammallikka yetkazilmagan sxema turli insaydlar ko‘rinishida fosh bo‘lib, pabliklar va ijtimoiy tarmoqlarga tarqaladigan mutlaqo shaffofsizlik va ochiqdan ochiq xatoliklar.
Fuqarolarning bir qismi hukumatga umuman ishonmay qo‘ygan va har qanday investor unga soxta bo‘lib tuyuladi…
TBC Bank asoschilarining Bosh prokuratura tomonidan ayblanishiga kelsak, bu vaziyat oldindan aytish mumkin bo‘lgan va mantiqiydir. Amaldagi hukumat uning bundan keyingi mavjudligiga xavf tug‘diruvchi har qanday o‘zgarishlarga qanchalik qat’iy qarshilik ko‘rsatishini — biz o‘zbekistonliklar yaxshi bilishimiz kerak”, — deb xulosa qiladi bloger.
Izoh (0)