Ўзбекистонда PayMe назорат пакетини 5,5 миллион долларга сотиб олган TBC Bank асосчилари Бадри Жапаридзе ва Мамука Хазарадзе Грузия Бош прокуратураси томонидан «пул ювиш»да айблангани ҳақида хабарлар пайдо бўлгач, ўзбекистонлик «таҳлилчилар» грузиялик бизнесменларнинг инсофи юзасидан фикрлар билдириб, уларни «Ўзбекистон халқи ҳисобидан» инвестиция киритувчи «фирибгарлар» ва бошқа «илиқ» сўзлар билан атади, бу ҳақдаги фикрларини блогер Ферузхон Якубхожаев «Дарё» билан бўлишди.
Унинг таъкидлашича, кўпчилик Хазарадзе ва Жапаридзега Грузия ҳукумати томонидан ҳужум Хазарадзенинг келажакда сиёсий партияга айланиб кетиши мумкин бўлган сиёсий ҳаракатни ташкил этиши ҳақида эълон қилгани билан боғлиқлигини ўйлаб ҳам кўрмаяпти.
Уч ҳафтагина аввал Мамука Хазарадзе сиёсатга кириб бориши ҳақида эълон қилди, бу грузин пабликларида шов-шувга сабаб бўлди. Кўпчилик «уларнинг бизнеси сиёсий курашда уларга қарши ‘гаров’ сифатида ишлатилиши мумкинлиги ва бундан зарар кўриши мумкинлиги»дан хавфсираган бўлса, бошқалар «ҳурматли, тажрибали ва нуфузли бизнесмен ва унинг шериклари бундай жиддий қадамлардан олдин барча рискларни ҳисобга олган бўлиши кераклиги»ни таъкидлаган.
Блогер ўзбекистонликларнинг ушбу хабарга тажовузкорона ёндашувини «фақат ўзимизнинг муаммо, ҳукуматимиз хатти-ҳаракатларининг оқибати» деб атади.
«(Бу) бир-икки ой аввал ташкил қилинган шубҳали юридик шахслар ва «инвесторлар»нинг туганмас кетма-кетлиги натижаси. Етарлича мукаммалликка етказилмаган схема турли инсайдлар кўринишида фош бўлиб, пабликлар ва ижтимоий тармоқларга тарқаладиган мутлақо шаффофсизлик ва очиқдан очиқ хатоликлар.
Фуқароларнинг бир қисми ҳукуматга умуман ишонмай қўйган ва ҳар қандай инвестор унга сохта бўлиб туюлади…
TBC Bank асосчиларининг Бош прокуратура томонидан айбланишига келсак, бу вазият олдиндан айтиш мумкин бўлган ва мантиқийдир. Амалдаги ҳукумат унинг бундан кейинги мавжудлигига хавф туғдирувчи ҳар қандай ўзгаришларга қанчалик қатъий қаршилик кўрсатишини — биз ўзбекистонликлар яхши билишимиз керак», — деб хулоса қилади блогер.
Изоҳ (0)