Diniy-ma’rifiy sohada uzoq yil xizmat qilgan, el-yurt oldida obro‘-e’tiborga ega bo‘lgan o‘zbekistonliklar bir necha yildan beri muborak haj va umra ziyoratini “Zuyuful malik” — “Qirol mehmonlari” sifatida ado etib kelmoqda.
Bu yilgi mavsumda ham “Qirol mehmonlari” sifatida haj ibodatini ado qilish uchun diniy-ma’rifiy sohada uzoq yil xizmat qilgan 10 nafar o‘zbekistonlik Saudiya Arabistoniga jo‘nab ketish taraddudini ko‘rmoqda.
Din ishlari bo‘yicha qo‘mitada ular bilan uchrashuv bo‘lib o‘tgan. Uchrashuvda ziyoratchilar uchun muborak safar davomida e’tibor berish kerak bo‘lgan muhim jihatlar, kerakli tavsiya va maslahatlar berildi.
“Qirol mehmonlari” haj ibodatini ado etish bilan birga Madinai munavvara va Makkai mukarramadagi muborak maskanlarga ziyoratga boradi hamda e’tiborli shaxslar bilan uchrashadi.
Ularning haj safari joriy yil 3-avgustidan 16-avgust kuniga qadar davom etadi.
Izoh (0)