KXDR hukumati 2018-yilda sanksiyalarni aylanib o‘tgan holda mamlakat yetakchisi Kim Chen In uchun ikkita zirhlangan Mercedes olib kelgani ma’lum bo‘ldi, deb xabar beradi “TASS”.
The Wall Street Journal gazetasi Vashingtondagi “Istiqbolli mudofaa tadqiqotlari markazi” tashkilotining ma’lumotlarini taqdim etdi. Uning xodimlari “so‘nggi yillarda 800 dan ortiq elita avtomobillarini” yetkazib berish bo‘yicha ma’lumotlarni qo‘lga kiritgan. Ular orasida har biri 500 ming dollardan qimmat turuvchi Germaniyaning Daimler Mercedes kompaniyasiga ikkita avtomobil ham bor. Taxminlarga ko‘ra, mazkur mashinalar Kim Chen Inni olib yurishga mo‘ljallangan.
Markazning tasdiqlashicha, ikkita avtomobil Niderlandiyadan KXDRga 2018-yilning iyun—oktabr oylaridan olib kelingan. Avvaliga mashinalar Niderlandiyadan Xitoyga dengiz orqali, undan keyin Yaponiya, Janubiy Koreya va Rossiyaga yuborilgan. Rossiyadan esa Shimoliy Koreyaga tegishli Air Koryo milliy aviakompaniyasining samolyotlari orqali olib kelingan.
Joriy yilning yanvar oyida KXDR yetakchisi Mercedes-Maybach S600 Pullman Guard’da harakatlangan edi.
Ma’lumotlarga ko‘ra, Shimoliy Koreya hukumati sanksiyalarga qaramasdan, muntazam ravishda xorijda ishlab chiqarilgan kiyim-kechaklar, kosmetika va texnikalarni xarid qilib keladi.
Izoh (0)