O‘zbekiston xalqaro islom akademiyasida 2019/2020-o‘quv yili uchun chet el fuqarolarini bakalavriatda o‘qish uchun qabul ochildi.
Xorijlik abituriyentlar akademiyaga kirish imtihonlaridan ozod etiladi va suhbat asosida qabul qilinadi. Talabalar istaklariga ko‘ra, o‘zbek va rus tilida o‘qishlari mumkin. Ularga diniy va dunyoviy fanlardan o‘z sohasining yetuk professor-o‘qituvchilari dars beradi.
Bu yilgi qabul jarayonida chet el fuqarolariga qulaylik yaratish maqsadida hujjatlarni elektron tarzda international@iiau.uz va +998907888745 (Telegram va WhatsApp) raqami orqali qabul qilish yo‘lga qo‘yildi. Shuningdek, xorijiy talabalar uchun o‘qish shartnomasi summasining o‘zlariga maqbul shaklini tanlash imkoniyati yaratilgan.
Ayni paytda O‘zbekiston xalqaro islom akademiyasida Rossiya, Qirg‘iziston va Tojikiston fuqarolari tahsil olmoqda. 2019- yildan boshlab Rossiya musulmonlari diniy kengashi muftiysi Albir Krganov doktoranturaga qabul qilindi.
Izoh (0)