Ўзбекистон халқаро ислом академиясида 2019/2020-ўқув йили учун чет эл фуқароларини бакалавриатда ўқиш учун қабул очилди.
Хорижлик абитуриентлар академияга кириш имтиҳонларидан озод этилади ва суҳбат асосида қабул қилинади. Талабалар истакларига кўра, ўзбек ва рус тилида ўқишлари мумкин. Уларга диний ва дунёвий фанлардан ўз соҳасининг етук профессор-ўқитувчилари дарс беради.
Бу йилги қабул жараёнида чет эл фуқароларига қулайлик яратиш мақсадида ҳужжатларни электрон тарзда international@iiau.uz ва +998907888745 (Telegram ва WhatsApp) рақами орқали қабул қилиш йўлга қўйилди. Шунингдек, хорижий талабалар учун ўқиш шартномаси суммасининг ўзларига мақбул шаклини танлаш имконияти яратилган.
Айни пайтда Ўзбекистон халқаро ислом академиясида Россия, Қирғизистон ва Тожикистон фуқаролари таҳсил олмоқда. 2019- йилдан бошлаб Россия мусулмонлари диний кенгаши муфтийси Албир Крганов докторантурага қабул қилинди.
Изоҳ (0)