Davyergeodezkadastr qo‘mitasi o‘zboshimchalik bilan qurilgan turar joylarga nisbatan mulk huquqini e’tirof etish aksiyasida ishtirok etmaganlar uchun maxsus ijtimoiy so‘rov o‘tkazmoqda. Bu haqda qo‘mita matbuot xizmati xabar berdi.
Fuqarolarning o‘zboshimchalik bilan qurilgan turar joylarga nisbatan mulk huquqini e’tirof etish bo‘yicha bir martalik umumdavlat aksiyasi 1-mayda tugatilgan edi.
So‘nggi ma’lumotlarga ko‘ra respublika bo‘yicha jami 908 558 ta ariza kelib tushgan. Biroq aksiya bo‘yicha murojaat qilmagan fuqarolarning soni 100 mingdan ortiqligi ta’kidlanmoqda. Davyergeodezkadastr qolgan fuqarolar nima uchun murojaat qilmaganini aniqlash uchun maxsus ijtimoiy so‘rov o‘tkazmoqda.
“Agarda Siz ham o‘zboshimchalik bilan qurilgan turar joyingiz bo‘yicha davlat xizmatlari markaziga murojaat qilmagan bo‘lsingiz ushbu so‘rovda faol qatnashing”, — deyiladi xabarda.
Ijtimoiy so‘rovda quyidagi havola orqali kirib qatnashish mumkin.
Izoh (0)