3-iyul kuni Ukraina sharqida davom etayotgan qurolli to‘qnashuvlar chog‘ida Donetsk xalq respublikasi ayirmachilari safida jang qilgan o‘zbekistonlik Hojiakbar Sharipov otib o‘ldirilgan.
Bu haqda xabar qilgan Ukraina armiyasi zobiti Anatoliy Shtefanga ko‘ra, Sharipov Yasinovataya posyolkasi hududidagi jangda halok bo‘lgan. U xabarga marhumning tobutdagi suratini ham ilova qilgan.
Navoiy viloyatida tug‘ilib-o‘sgan Sharipovning jasadi 6-iyul kuni O‘zbekistonga yuborilgani aytilmoqda.
U bilan shaxsan tanish bo‘lgan DXR jangchilarining bildirishicha, “O‘zbek” taxallusi bilan tanilgan Sharipov Donetsk aeroporti, Bles, Avdeyevka va Promka uchun janglarda qatnashgan, yaqin orada O‘zbekistonga borib kelishni rejalashtirgan.
Izoh (0)