Germaniyaning Sea-Eye nodavlat tashkilotiga tegishli Alan Kurdi kemasi O‘rta Yer dengizida 44 nafar muhojirni qutqarib qoldi, deb xabar beradi “RIA Novosti”.
“Alan Kurdi Malta hukumati yordami bilan yog‘och kema ichida bo‘lgan 44 kishini qutqardi. Malta floti Alan Kurdi bortidagi odamlarni olib ketib, qirg‘oqqa eltish uchun o‘z kemasini yubordi”, — deyiladi xabarda.
Avvalroq, Malta hukumati Alan Kurdi kemasi tomonidan Liviya qirg‘oqlarida qutqarib qolingan 65 nafar muhojirni mamlakat hududiga kiritishga ruxsat bergan edi. Mazkur qaror Yevropa komissiyasi va Germaniya bilan o‘tkazilgan murokaralardan so‘ng qabul qilingan va muhojirlarni Yevropaning boshqa davlatlariga yo‘naltirishga kelishib olingan.
Izoh (0)