Eron TIV rasmiy vakili Abbos Musaviy “Greys-1” tankeri Gibraltar hukumati tomonidan qo‘lga olinishini qaroqchilik harakati deb atadi. Bu haqda “TASS” xabar berdi.
“Tankerning qo‘lga olinishi qaroqchilikdir. Tehron mintaqadagi keskinlikning kuchayishiga olib keluvchi bunday harakatlarni rad etadi”, — degan Musaviy. U, shuningdek, neft ortilgan kema hech qaysi hududiy suvlarni kesib o‘tmaganini aytgan.
Musaviyning ta’kidlashicha, Eron tankerni ozod qilish harakatlarini davom ettirmoqda va yevropalik diplomatlar bilan muntazam muloqot olib bormoqda. “Biz Londondan neft kemasini imkon qadar tezroq ozod qilishni talab qilmoqdamiz”, — degan TIV rasmiy vakili.
Eslatib o‘tamiz, Britaniya hukumatiga qarashli Pireney yarim orolida Panama bayrog‘i ostidagi tanker 4-iyul kuni qo‘lgan olingan edi. U sanksiyalarni buzgan holda Suriyaga neft yetkazib berishda gumonlangan.
Izoh (0)