Xabaringiz bor, shu yilning 7-iyul kuni ijtimoiy tarmoqlarda Surxondaryo viloyatining Denov tumanidagi bozor hojatxonasiga tashlab ketilgan yangi tug‘ilgan chaqaloq topib olingani haqidagi video tarqalgan edi. Holatga oydinlik kiritish maqsadida, O‘zbekiston Respublikasi Ichki ishlar vazirligiga murojaat qildik. O‘zA ma’lum qilishicha, ushbu hodisa joriy yilning 2-iyul soat 15:00 larda sodir bo‘lgan. Surxondaryo viloyatining Denov tumanidagi “Lolazor” mahallasida joylashgan “Habibobod” bozoridagi ayollar hojatxonasida noma’lum ayol chaqaloqni tug‘ib hojatxona tashlab ketgan. Undan keyin hojatxonaga kirgan ayol chaqaloq yig‘isini eshitgach, profilaktika inspektoriga xabar bergan. Ko‘rilgan tezkor choralar natijasida chaqaloq qutqarib qolinib, kasalxonaga joylashtirilgan.
Olib borilgan qidiruv va surishtiruv ishlari natijasida chaqaloqning onasi, Sariosiyo tumanida yashovchi F.T. ekanligi aniqlanib, ayni vaqtda ushlangan va F.T.ga nisbatan O‘zbekiston Respublikasi Jinoyat kodeksining 25 va 99-moddalari bilan jinoyat ishi qo‘zg‘atilgan. Tergovni prokuratura olib bormoqda.
Ichki ishlar vazirligi ma’lum qilishicha, kapitan Yakubov Akbar hech nimadan tap tortmasdan, qo‘li bilan chaqaloq badanining biror-bir joyiga jarohat yetkazmasdan hojatxonadan chiqarib olgan. Ma’lumot o‘rnida aytish kerakki, kapitan Yakubov Akbar ayni damda Denov tumani IIO FMB 4-son ichki ishlar bo‘limi huquqbuzarliklar profilaktikasi guruhi ichki ishlar organlari tayanch punktlari profilaktika katta inspektori bo‘lib ishlab kelmoqda.
Hozirgi kunda ushbu chaqaloq Denov tumani markaziy shifoxonasiga qarashli 2-sonli tug‘ruq bo‘limida saqlanmoqda va uning sog‘lig‘i yaxshi.
Izoh (0)