Bugun, 8-iyul kuni Qarshi shahrida joylashgan Qarshi davlat universiteti rо‘parasiga kitobga atab o‘rnatilgan monumentning ochilish marosimi bo‘lib o‘tdi. Bu haqda viloyat hokimligi axborot xizmati xabar berdi.
“12 dona eng nodir asarlar tо‘plami aks etgan ushbu monumentda о‘ziga xos ramziy ma’no mujassam. Bu yerda buyuk bobokalonlarimiz Alisher Navoiy, Abu Ali Ibn Sino, Zahiriddin Muhammad Bobur, Abdulla Oripov, Sharof Rashidov kabi alloma va mutafakkirlar, el ardoqlagan taniqli shoir va yozuvchilar nomlari zikr etilganki, kishida faxr tuyg‘usini uyg‘otadi. Bundan tashqari ‘javonga’ Balzak, Shekspir, Pushkin kabi jahon adabiyotining yetakchi namoyandalari ham kiritilgan”, — deyiladi xabarda.
Monumentning ochilishiga bag‘ishlangan tantanali tadbirda viloyat hokimi Zafar Ro‘ziyev ham qatnashib, yig‘ilganlarga kitob o‘qishning yoshlar hayotidagi o‘rni haqida nutq so‘zladi.
Izoh (0)