Kapitan Irina Sayfutdinova Toshkent shahar IIBB Axborot multimedia markazi boshlig‘i — bosh boshqarma boshlig‘ining matbuot kotibi lavozimiga tayinlandi. Bu haqda idora matbuot xizmati xabar berdi.
Irina Sayfutdinova 1974-yili Toshkent viloyati Olmaliq shahrida tug‘ilgan. Oliy ma’lumotli. 1997-yil O‘zbekiston Milliy universitetini tamomlagan. Faoliyati davomida O‘zbekiston Mudofaa vazirligining “Vatanparvar” gazetasida muxbir, Ichki ishlar vazirligi Birlashgan tahririyatida bo‘lim mudiri, Toshkent shahar IIBB Axborot multimedia markazi boshlig‘ining o‘rinbosari — bosh muharrir lavozimlarida mehnat qilgan.
Shuningdek, katta serjant E’tibor Shirayeva Axborot multimedia markazi boshlig‘ining o‘rinbosari — bosh muharrir vazifasini bajaruvchi lavozimiga tayinlandi.
E’tibor Shirayeva 1985-yil Xorazm viloyati Xiva shahrida tug‘ilgan. Oliy ma’lumotli. 2004-yil Xiva shahar pedagogika kasb-hunar kollejini huquqshunos-iqtisodchi mutaxassisligi bo‘yicha hamda 2010-yil O‘zbekiston davlat jismoniy tarbiya institutining bakalavriat va 2012-yil Mirzo Ulug‘bek nomidagi O‘zbekiston Milliy universitetining jurnalistika mutaxassisligi bo‘yicha magistratura ta’lim yo‘nalishlarini tamomlagan.
Izoh (0)