Chikagoda 28-iyundan 1-iyulga qadar sodir bo‘lgan otishmalarda 4 kishi halok bo‘ldi, 52 nafardan ortiq odam yaralandi, deb xabar bermoqda Forum Daily.
Otishmalar oqibatida yaralanganlar turli yoshdagi va jinsdagi shaxslar bo‘lgan. Ularning ayrimlarida janjal sababli qurol ishlatilgan bo‘lsa, ayrim jabrlanuvchilar kim o‘q uzganini ham bilmaydi.
Xususan, guvohlarning politsiyaga xabar berishicha, 18 yoshli yigit soat 23:13 lada South Komensky Avenue yonida o‘zidan katta erkak bilan bahslashgan. Erkak yonidan to‘pponcha chiqarib bir necha marta o‘q uzgan va voqea joyidan yashiringan.
West Jackson Boulevard’da soat tonggi 02:32 larda noma’lum shaxs odamlar to‘dasini o‘qqa tutgan. Yaralanganlarning o‘zi kasalxonaga yetib bora olgan. Jabrlanganlar ham, guvohlar ham kim o‘q uzganini ko‘rmagan.
Xabarda aytilishicha, politsiya sodir bo‘lgan otishmalar yuzasidan tergov ishlarini amalga oshirmoqda.
Izoh (0)