Чикагода 28 июндан 1 июлга қадар содир бўлган отишмаларда 4 киши ҳалок бўлди, 52 нафардан ортиқ одам яраланди, деб хабар бермоқда Forum Daily.
Отишмалар оқибатида яраланганлар турли ёшдаги ва жинсдаги шахслар бўлган. Уларнинг айримларида жанжал сабабли қурол ишлатилган бўлса, айрим жабрланувчилар ким ўқ узганини ҳам билмайди.
Хусусан, гувоҳларнинг полицияга хабар беришича, 18 ёшли йигит соат 23:13 лада South Komensky Avenue ёнида ўзидан катта эркак билан баҳслашган. Эркак ёнидан тўппонча чиқариб бир неча марта ўқ узган ва воқеа жойидан яширинган.
West Jackson Boulevard’да соат тонгги 02:32 ларда номаълум шахс одамлар тўдасини ўққа тутган. Яраланганларнинг ўзи касалхонага етиб бора олган. Жабрланганлар ҳам, гувоҳлар ҳам ким ўқ узганини кўрмаган.
Хабарда айтилишича, полиция содир бўлган отишмалар юзасидан тергов ишларини амалга оширмоқда.
Изоҳ (0)