Kiyev yaqinidagi Yagotin shahrida Rossiya prezidenti Vladimir Putinning surati tushirilib, ismi yozilgan qabrtosh paydo bo‘ldi, deb xabar beradi “Bigmir.net”.
Bir necha mahalliy aholi Putin uchun qabrtoshini buyurtma qilib, odamlar gavjum bo‘ladigan joyga o‘rnatgan. Toshga Putinning portretidan tashqari “Vladimir Vladimirovichga baxtli ukrainaliklardan”, deb yozib qo‘yilgan. Shuningdek, qabrtoshiga xoch ham chizilgan.
“Qadrdon yagotinliklar sifatli qabrtosh yasashni biladi”, — deb yozadi Aleksandr Xarchenko ismli Facebook foydalanuvchisi.
Avvalroq, Milliy drujina faollari Ukrainaning Xarkov shahri markazida norozilik aksiyasini o‘tkazib, Konstitutsiya maydonida dor o‘rnatib, unga deputatlar suratlari yopishitirilgan qo‘g‘irchoqlarni osgan edi.
Izoh (0)