Qozog‘istonlik harbiylar shahar yaqinida joylashgan harbiy omborda sodir bo‘lgan yong‘in va portlashlardan qolgan o‘q-dorilarni utilizatsiya qilish boshlandi. Bu haqda mamlakat Mudofaa vazirligi matbuot xizmatiga tayanib, “RIA Novosti” xabar berdi.
24-iyun kuni 44,3 ming aholi yashaydigan Aris aholi punktidagi qurol-aslaha omborida yong‘in boshlanib, portlashni yuzaga keltirgan edi. Uch kishi, jumladan, ikki nafar harbiy xizmatchi vafot etgan. Shahar aholisi evakuatsiya qilingan va 27-iyun kuni ularga o‘z uylariga qaytish ruxsati berilgan.
“Mudofaa vazirligi Turkiston viloyatining Aris shahrida bugun portlovchi bo‘lmagan o‘q-dorilar qoldiqlarini yo‘q qilish ishlari boshlangan. Ishlar soat 9:00 dan 18:00 gacha olib boriladi”, — deyiladi idoraning xabarida.
Utilizatsiya ishlari bilan Qurolli Kuchlarning muhandislar bo‘linmalari shug‘ullanadi.
O‘q-dorilar qoldiqlari arsenal hududida yo‘q qilinadi, qolgan qismi esa Aris shahridan 60 kilometr shimolga olib borilib, belgilangan tartibda “KazArsenal” poligonida portlatiladi.
Izoh (0)