Sirdaryoda bir maktabning 5 nafar bitiruvchisi o‘qishni oltin medal bilan tugatdi

Gulistonda umumta’lim maktablarini a’lo baholarga bitirgan o‘quvchilarga oltin va kumush medallar topshirildi. Bu haqda “Xalq so‘zi” xabar berdi.

Ularning 18 nafari oltin, 7 nafari esa kumush medal sohiblari bo‘ldi.

—Yaqindagina umumta’lim fanlari bo‘yicha respublika olimpiadasida fransuz tili yo‘nalishida birinchi o‘rinni qo‘lga kiritgan edim. Bugun esa oltin medalli bo‘ldim. Qolaversa, tantanada meni respublikada erishgan yutug‘im uchun tashakkurnoma va sovg‘a bilan ham taqdirlashdi, — deydi xorijiy tillarga ixtisoslashtirilgan 1-viloyat maktab-internati o‘quvchisi Madina Sunnatova.

Madina o‘qigan maktabning yana 4 nafar o‘quvchisi ham oltin medal oldi va Guliston shahri bu borada viloyat tuman-shaharlari o‘rtasida birinchi o‘rinni egalladi.

Bunday yuqori ko‘rsatkich Sayxunobod tumanida ham kuzatildi. Sayxunobodlik 4 nafar o‘quvchi oltin, 1 nafari esa kumush medalli bo‘ldi.