Гулистонда умумтаълим мактабларини аъло баҳоларга битирган ўқувчиларга олтин ва кумуш медаллар топширилди. Бу ҳақда «Халқ сўзи» хабар берди.
Уларнинг 18 нафари олтин, 7 нафари эса кумуш медаль соҳиблари бўлди.
—Яқиндагина умумтаълим фанлари бўйича республика олимпиадасида француз тили йўналишида биринчи ўринни қўлга киритган эдим. Бугун эса олтин медалли бўлдим. Қолаверса, тантанада мени республикада эришган ютуғим учун ташаккурнома ва совға билан ҳам тақдирлашди, — дейди хорижий тилларга ихтисослаштирилган 1-вилоят мактаб-интернати ўқувчиси Мадина Суннатова.
Мадина ўқиган мактабнинг яна 4 нафар ўқувчиси ҳам олтин медаль олди ва Гулистон шаҳри бу борада вилоят туман-шаҳарлари ўртасида биринчи ўринни эгаллади.
Бундай юқори кўрсаткич Сайхунобод туманида ҳам кузатилди. Сайхунободлик 4 нафар ўқувчи олтин, 1 нафари эса кумуш медалли бўлди.
Изоҳ (0)