AQSh prezidenti Donald Tramp 10-iyundan boshlab Meksikadan keladigan barcha tovarlarga 5 foizdan boj to‘lovini joriy etdi. Bu haqda AQSh rahbari o‘zining Twitter’dagi sahifasiga yozib qoldirgan, deb xabar beradi “Korrespondent.net”.
“10-iyundan boshlab Meksikadan keladigan barcha tovarlarga 5 foizli boj to‘lovi joriy etiladi, bu mamlakatimizga chegaradan noqonuniy o‘tib kelayotgan muhojirlar oqimi to‘xtamaguncha davom etadi”, — deb yozadi Tramp.
Uning so‘zlariga ko‘ra, noqonuniy muhojirlarga bog‘liq muammo bartaraf etilmaguniga qadar boj tariflari o‘sib boraveradi.
Meksika Tashqi ishlar vazirligi AQShning ushbu yangi tariflariga munosib javob qaytarisha va’da bergan.