5-aprel kuni Navoiy shahrida joylashgan O‘zbekiston-Xitoy qo‘shma korxonasi IIBga murojaat qilib, unda shu yilning 5-aprelga o‘tar kechasi noma’lum shaxslar Inspektorlar ko‘chasida joylashgan ushbu korxonaning ishchilari vaqtincha istiqomat qiladigan yotoqxonaning 105-sonli xonasiga deraza oynasini sindirib kirganligi haqida ma’lum qilgan.
IIV matbuot xizmatining xabar berishicha, yotoqxonadan to‘rt ming Xitoy yuani va 27 million so‘m pul o‘g‘irlangan.
Ko‘rilgan choralar natijasida ushbu jinoyatni yuqoridagi qo‘shma korxona ishchisi Z.R. va shu qo‘shma korxona haydovchisi A.J.lar sodir etgani aniqlanib, ushlangan.
Holat yuzasidan jinoyat ishi qo‘zg‘atilib, tergov harakatlari olib borilmoqda.
Izoh (0)