5 апрель куни Навоий шаҳрида жойлашган Ўзбекистон-Хитой қўшма корхонаси ИИБга мурожаат қилиб, унда шу йилнинг 5 апрелга ўтар кечаси номаълум шахслар Инспекторлар кўчасида жойлашган ушбу корхонанинг ишчилари вақтинча истиқомат қиладиган ётоқхонанинг 105-сонли хонасига дераза ойнасини синдириб кирганлиги ҳақида маълум қилган.
ИИВ матбуот хизматининг хабар беришича, ётоқхонадан тўрт минг Хитой юани ва 27 миллион сўм пул ўғирланган.
Кўрилган чоралар натижасида ушбу жиноятни юқоридаги қўшма корхона ишчиси З.Р. ва шу қўшма корхона ҳайдовчиси А.Ж.лар содир этгани аниқланиб, ушланган.
Ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)