Rossiyalik 3 nafar harbiy Suriyada fevral oyi oxirida halok bo‘ldi. Bu haqda Rossiya mudofaa vazirligi ma’lum qildi, deya xabar beradi “TASS”.
Vazirlikka ko‘ra, harbiy xizmatchilar avtomobilda Dayr az-Zavr viloyatidagi aholi punktlaridan biriga gumanitar yordam yetkazib berib qaytishda jangarilar pistirmasiga duch kelgan. O‘rtada yuzaga kelgan jangdan so‘ng ular bedarak yo‘qolgandi.
“Maxsus tadbirlar natijasida avtomobilga hujum qilgan jangarilar aniqlandi, shuningdek, jang davomida harbiy xizmatchilar halok bo‘lgani tasdiqlandi. Rossiya harbiy-koinot kuchlari va maxsus operatsiyalar bo‘linmasining hamkorlikdagi operatsiyasi davomida 30 nafardan ortiq jangaridan iborat ushbu guruh yo‘q qilindi”, — deyiladi vazirlik xabarida.
Izoh (0)