Россиялик 3 нафар ҳарбий Сурияда февраль ойи охирида ҳалок бўлди. Бу ҳақда Россия мудофаа вазирлиги маълум қилди, дея хабар беради «ТАСС».
Вазирликка кўра, ҳарбий хизматчилар автомобилда Дайр аз-Завр вилоятидаги аҳоли пунктларидан бирига гуманитар ёрдам етказиб бериб қайтишда жангарилар пистирмасига дуч келган. Ўртада юзага келган жангдан сўнг улар бедарак йўқолганди.
«Maxсус тадбирлар натижасида автомобилга ҳужум қилган жангарилар аниқланди, шунингдек, жанг давомида ҳарбий хизматчилар ҳалок бўлгани тасдиқланди. Россия ҳарбий-коинот кучлари ва махсус операциялар бўлинмасининг ҳамкорликдаги операцияси давомида 30 нафардан ортиқ жангаридан иборат ушбу гуруҳ йўқ қилинди», — дейилади вазирлик хабарида.
Изоҳ (0)