Ukrainadagi aksariyat politsiyachilar Kalashnikov avtomatlari va Makarov to‘pponchalaridan voz kechmoqchi. Bu haqda “Gazeta.ru” xabar beradi.
Unga ko‘ra, politsiya mavjud qurol-aslahalarni Yevropada ishlab chiqarilgan qurollar bilan almashtirmoqchi.
“Bizning maqsadimiz — 90 foiz an’anaviy Kalashnikov avtomatlari, Makarov hamda TT (Tokaryev) harbiy to‘pponchalaridan voz kechishga erishish”, — deydi Ukraina Milliy politsiyasi boshlig‘i Sergey Knyazev.
Qayd etilishicha, politsiya xodimlari Kalashnikov avtomatini harbiy qurol deb bilgani uchun undan foydalanishni istamaydi.
Knyazevning so‘zlariga ko‘ra, Ukraina politsiyasi nemis MP-5 (Heckler & Koch) o‘qotar qurollarini sotib olmoqchi.
Izoh (0)