Viloyat turizmni rivojlantirish departamenti tashabbusi va taklifi bilan joriy yil 19—23-mart kunlari Rossiyaning “Perviy” telekanali “Neputeviye zametki” dasturi ijodkorlari Xorazmda safarda bo‘ldi. Bu haqda O‘zA xabar berdi.
5 kunlik tasvirga olish jarayonlari davomida ular Xiva shahrida joylashgan diqqatga sazovor joylar, xususan “Ichan qal’a” davlat muzey-qo‘riqxonasi, Nurillaboy saroyi, Xiva tumanidagi “Qora ko‘l” ekoturizm obyekti, Bog‘ot va Urganch tumanlaridagi ayrim turistik majmualarni tasvirga oldi.
Kulolchilik, naqqoshlik, to‘quvchilik va gilamdo‘zlik kabi ko‘plab yo‘nalishlarda ishlayotgan mahalliy hunarmandlar ishi bilan yaqindan tanishdi.
Rossiyalik jurnalistlar Xorazmninig o‘ziga xos uslublari haqida atroflicha ma’lumotga ega bo‘ldi. Jumladan, ipak gilamini to‘qish jarayonlari mehmonlar diqqatini o‘ziga tortdi.
Jurnalistlar aynan Navro‘z shodiyonalari paytiga taklif qilingani ham katta ahamiyatga ega bo‘ldi. Bayram sayllaridagi milliy xalq o‘yinlari, mazali taomlar, xalq og‘zaki ijodining ko‘rinishlari ularda yaxshi taassurot o‘yg‘otdi.
Izoh (0)