2019-yil 19-mart kuni Toshkent shahar Mirobod tuman IIBga yirik summadagi firibgarlik holati yuzasidan murojaat kelib tushdi. Bu haqda IIV jamoatchilik va OAV bilan aloqalar boshqarmasi xabar bermoqda.
2018-yil iyul oyidan noyabr oyigacha bo‘lgan vaqt oralig‘ida shaharning Avliyoota ko‘chasida yashovchi G.A. ismli ayol Toshkent viloyati, Quyichirchiq tumanida yashovchi J.Q. va uning tanishlarini Janubiy Koreyaga ishga yuborishda yordam berishini aytib, aldov yo‘li bilan J.Q.dan jami 14 900 AQSh dollari oladi.
Biroq oradan shuncha vaqt o‘tishiga qaramay, bergan va’dasini bajarmay, pullarni o‘z ehtiyoji uchun ishlatib yuborgan.
Ko‘rilgan choralar natijasida G.A. qo‘lga olingan. Holat yuzasidan jinoyat ishi qo‘zg‘atilib, tergov harakatlari olib borilmoqda.
Izoh (0)