“O‘zbekipaksanoat” uyushmasida YuNЕSKOning O‘zbekistondagi vakolatxonasi rahbari Pilar Alvares-Laso bilan uchrashuv bo‘lib o‘tdi. Bu haqda O‘zA xabar berdi.
“O‘zbekipaksanoat” uyushmasi boshqaruvi raisi Bahrom Sharipov bilan suhbat asnosida Pilar Alvares-Laso uyushma tomonidan amalga oshirilayotgan ishlarni yuqori baholadi.
Shuningdek, O‘zbekistonda har ikki yilda nishonlanadigan “Atlas” festivalini yanada keng qamrovli o‘tkazish, xalqaro ko‘rgazmalar tashkil etish, shu orqali mamlakat ipakchilik tarixi, milliy qadriyatlari hamda tarixiy yodgorliklarini dunyo miqyosida keng targ‘ib qilish bo‘yicha hamkorlikni mustahkamlash taklifini bildirdi.
Pilar Alvares-Laso Ipakchilik ilmiy-tadqiqot institutida YuNЕSKO kafedrasini ochish va ilmiy tadqiqot ishlarini olib borishda hamkorlik o‘rnatish niyatida ekanini ma’lum qildi.
Izoh (0)