«Ўзбекипаксаноат» уюшмасида ЮНЕСКОнинг Ўзбекистондаги ваколатхонаси раҳбари Пилар Альварес-Ласо билан учрашув бўлиб ўтди. Бу ҳақда ЎзА хабар берди.
«Ўзбекипаксаноат» уюшмаси бошқаруви раиси Баҳром Шарипов билан суҳбат асносида Пилар Альварес-Ласо уюшма томонидан амалга оширилаётган ишларни юқори баҳолади.
Шунингдек, Ўзбекистонда ҳар икки йилда нишонланадиган «Атлас» фестивалини янада кенг қамровли ўтказиш, халқаро кўргазмалар ташкил этиш, шу орқали мамлакат ипакчилик тарихи, миллий қадриятлари ҳамда тарихий ёдгорликларини дунё миқёсида кенг тарғиб қилиш бўйича ҳамкорликни мустаҳкамлаш таклифини билдирди.
Пилар Альварес-Ласо Ипакчилик илмий-тадқиқот институтида ЮНЕСКО кафедрасини очиш ва илмий тадқиқот ишларини олиб боришда ҳамкорлик ўрнатиш ниятида эканини маълум қилди.
Изоҳ (0)