Iday sikloni Mozambikning hududi jihatidan ikkinchi yirik shahrini va mamlakatning eng yirik portlaridan biri — Beyrani butunlay vayron qildi, deya xabar beradi “Interfaks”.
Zarar miqdori juda katta, hududning qariyb 90 foizi butunlay vayron bo‘lgan. Aloqa tizimlari, yo‘llar to‘liq ishdan chiqqan. Ayrim tumanlarga yetib borishning imkoni yo‘q. Beyra porti jiddiy jabr ko‘rgan.
Ma’lumotlarga ko‘ra, shahar tashqarisidagi vaziyat bundan battar bo‘lish mumkin. Shaharda damba portlagan va shaharga kiruvchi yo‘l to‘silgan.
Kuchli yog‘ingarchilik, suv toshqini va keskin shamol oqibatida qurbon bo‘lganlar haqida ma’lumot yo‘q.
Beyra aeroporti bir necha kundan beri yopiq. Shaharga siklon yog‘ilishidan oldin unda 400 mingdan ortiq kishi yashagan. Siklon hududda kuchli suv toshqinlarini keltirib chiqargan. Uch mamlakat — Zimbabve, Mozambik va Malavida qurbonlar soni 150 kishini tashkil qilgan. Ularning soni oshishi ehtimoli mavjud.
Mozambikni o‘tgan haftadayoq 17 ming kishi tark etishga majbur bo‘lgan.
Izoh (0)