Идай циклони Мозамбикнинг ҳудуди жиҳатидан иккинчи йирик шаҳрини ва мамлакатнинг энг йирик портларидан бири — Бейрани бутунлай вайрон қилди, дея хабар беради «Интерфакс».
Зарар миқдори жуда катта, ҳудуднинг қарийб 90 фоизи бутунлай вайрон бўлган. Алоқа тизимлари, йўллар тўлиқ ишдан чиққан. Айрим туманларга етиб боришнинг имкони йўқ. Бейра порти жиддий жабр кўрган.
Маълумотларга кўра, шаҳар ташқарисидаги вазият бундан баттар бўлиш мумкин. Шаҳарда дамба портлаган ва шаҳарга кирувчи йўл тўсилган.
Кучли ёғингарчилик, сув тошқини ва кескин шамол оқибатида қурбон бўлганлар ҳақида маълумот йўқ.
Бейра аэропорти бир неча кундан бери ёпиқ. Шаҳарга циклон ёғилишидан олдин унда 400 мингдан ортиқ киши яшаган. Циклон ҳудудда кучли сув тошқинларини келтириб чиқарган. Уч мамлакат — Зимбабве, Мозамбик ва Малавида қурбонлар сони 150 кишини ташкил қилган. Уларнинг сони ошиши эҳтимоли мавжуд.
Мозамбикни ўтган ҳафтадаёқ 17 минг киши тарк этишга мажбур бўлган.
Изоҳ (0)