Buxoro shahar iste’molchilari huquqlarini himoya qilish jamiyatiga Qorako‘l tumani Shakarbek MFYda istiqomat qiluvchi fuqaro A. Rustamovdan murojaat kelib tushdi. Bu haqda “Xalq so‘zi” xabar berdi.
Iste’molchi Buxoro shahridagi tovarlarni kreditga beruvchi internet do‘konidan 10 090 300 (o‘n million to‘qson ming uch yuz) so‘mga televizor, changyutgich va mobil telefonini xarid qilish uchun shartnoma tuzgan, lekin shartnomada ko‘rsatilgan tovarlar narxi qimmatligi sababli shartnomani bekor qilmoqchi bo‘lgan.
Iste’molchi ushbu masalada do‘kon rahbariyatiga uchrashganida muammoga yechimi topilmaganligi sababli Buxoro shahar jamiyatiga murojaat qilgan.
Jamiyat mutaxassislari tomonidan murojaat joyida o‘rganildi va savdo xodimiga “Iste’molchilar huquqlarini himoya qilish to‘g‘risidagi” qonuni tushuntirildi. Shundan so‘ng iste’molchining 10 090 300 so‘m puli qaytarib olib berildi.
Izoh (0)