Pensilvaniyalik ayol qizi bilan birga farzandlari, opasi va jiyanlarini o‘ldirdi

Pensilvaniyada yashovchi ayol qizi bilan birgalikda besh nafar oila a’zolarini o‘ldirganlikda ayblanmoqda, deya xabar beradi “ForumDaily”.

45 yoshli Sheyna Dekre va uning 19 yoshli qizi Dominik Dekre 25-fevral kuni uyida jasadlar topilganidan so‘ng hibsga olingan.

Okrug prokurori Baks Metyu Uayntraub jinoyatchilarga qotillik va qotillikni yashirganlik uchun jazo qo‘llashni so‘ramoqda.

Qurbonlar orasida Sheyna Dekrening ikki nafar farzandi: 25 yoshli Naira Smit, 13 yoshli Deymon Dekre, shuningdek opasi 45 yoshli Jamayla Kempbell va uning ikki nafar 9 yoshli egizak qizlari Imani va Erika Allen bor.

Dastlab ona va qiz aybiga iqror bo‘lmagan, ammo keyin ikkisi ham qurbonlarni bo‘g‘ib tashlaganini aytgan.

Sheyna Dekrening aytishicha, qurbonlarning barchasi o‘z joniga qasd qilmoqchi bo‘lgan.