Пенсильваниялик аёл қизи билан бирга фарзандлари, опаси ва жиянларини ўлдирди

Пенсильванияда яшовчи аёл қизи билан биргаликда беш нафар оила аъзоларини ўлдирганликда айбланмоқда, дея хабар беради «ForumDaily».

45 ёшли Шейна Декре ва унинг 19 ёшли қизи Доминик Декре 25 февраль куни уйида жасадлар топилганидан сўнг ҳибсга олинган.

Округ прокурори Бакс Метю Уайнтрауб жиноятчиларга қотиллик ва қотилликни яширганлик учун жазо қўллашни сўрамоқда.

Қурбонлар орасида Шейна Декренинг икки нафар фарзанди: 25 ёшли Наира Смит, 13 ёшли Деймон Декре, шунингдек опаси 45 ёшли Жамайла Кемпбелл ва унинг икки нафар 9 ёшли эгизак қизлари Имани ва Эрика Аллен бор.

Дастлаб она ва қиз айбига иқрор бўлмаган, аммо кейин иккиси ҳам қурбонларни бўғиб ташлаганини айтган.

Шейна Декренинг айтишича, қурбонларнинг барчаси ўз жонига қасд қилмоқчи бўлган.