27-fevral kuni Donald Tramp Kim Chen Inni o‘zining do‘sti deb aytdi va Shimoliy Koreyaning tez orada farovonlikka erishishiga umid bildirdi. Bu haqda “Interfaks” xabar berdi.
“Vyetnam dunyoning kam sonli mamlakatlari qatori gullab-yashnamoqda. Shimoliy Koreya ham shunday farovonlikka erishadi. Agar yadorosizlantirish jarayoni amalga oshirilsa, bu tez orada sodir bo‘ladi. Bu borada potensial juda katta. Bunday imkoniyat tarixda deyarli hech kimda bo‘lmagan. Bu aynan mening do‘stim Kim Chen In uchun imkoniyat”, — deb yozgan Tramp o‘zining Twitter’dagi sahifasida.
Muzokaralar 28-fevral kuni ham davom etadi. Ikki davlat rahbarlari Koreya yarim orolidagi vaziyatni tartibga solish masalalarini muhokama qiladi.
Izoh (0)