O‘zbekistonning AQShdagi elchixonasi tomonidan videokonferensiya shaklida Geologiya va mineral resurslar qo‘mitasi bilan Qo‘shma Shtatlar Geologiya xizmati o‘rtasida muzokaralar tashkillandi. Bu haqda TIV matbuot xizmati ma’lum qildi.
Tomonlar yer osti boyliklarini geologik o‘rganish borasida hamkorlik istiqbollari, gidromineral zaxiralarni oshirish bo‘yicha vazifalarni bajarish, qo‘shma ilmiy tadqiqotlarni uyushtirish masalalarini muhokama qildi.
Muzokaralar yakuni bo‘yicha tomonlar joriy yil 4—7-fevral kunlari Geologiya xizmati delegatsiyasining Toshkentga tashrifini tashkillash yuzasidan kelishuvga erishdi. Tashrifning kun tartibi va dasturi ko‘rib chiqildi.
Izoh (0)